[a talk] Urang Sunda

Kumargi simabdi kantos nyepeng gelar juara lomba pidato basa sunda, sareng kumargi simabdi memang katurunan sunda asli, dina danget ieu simabdi bade nyobian nulis nganggo pengantar basa Sunda. Mung sateuacana, simabdi neda dihapunten upami seueur kalepatan boh dina penggunaan kata atanapi cara nulisna. Punten oge kumargi simabdi mung tiasa nganggo basa sunda nu biasa dianggo sadidinten (sanes basa sunda nu sae). hehe.

Tisaprak borojol dugika danget ieu, simabdi masih satia nyalikan tanah sunda. Sakali-kali osok nyobian ameng ka daerah sanes sapertos Jawa Tengah atanapi Sumatera. Mung seseringna mah abdi kukulikbekan di sakitaran Jawa Barat: Bandung, Subang, Sumedang, Tasik, Garut, jeung sajabana. Saur rerencangan mah abdi teh meni Sunda Pisan. Resepna teh pagulung-gulung jeung kolot, teu aya jiwa rantau cenah. Nya abdi mung sura-seuri weh upami disebat kitu teh.

Upami ditilik-tilik mah enyaan geuning urang Sunda teh jarang aya anu merantau. Aya sih, tapi upami dibandingkeun sareng urang Jawa atanapi Sumatera mah tebih pisan seueurna. Mangga we perhatoskeun, di sajajalan meni seueur pisan urang Jawa sareng Sumatera. Ai saur urang sundana mah kieu, “nanaona merantau? da sagala rupina tos sayogi di Jawa Barat.” kitu cenah. Tapi ah.. ari saur simabdi mah memang urang sunda teu resep rarantauan. Hoyongna teh pagiling gisik sareng dulur baraya. *haha,maen ngajeneralisir wae ieu teh*

Salaku urang Sunda asli, tangtos simabdi teu weleh ngaraos reueus janten urang Sunda. Terutamina mah reueus kana budaya masyarakatna nu ramah, darehdeh, sopan, sareng lemah lembut. Upami pendak di jalan teh teu weleh seuri tur naroskeun wartos. Upami ngalangkung dipayuneun nu sanes teu weleh nyebat punten. Tah budaya sapertos kitu dina danget ieu masih berkembang di kota-kota alit di Jabar (upami di Bandung mah tos rada sesah).

Di kampus simabdi, ITB, urang Sunda katelah kulemah lembutna. Urang Sunda oge kasohor maranis tur gareulis. Simabdi mung tiasa sura-seuri weh da rumasa. *gubrag*. Tos seueur pisan jalmi nu nyarioskeun yen rarai simabdi teh sunda pisan. Nu hartosna rarai abdi geulis tur manis *apanan urang Sunda katelah gareulis,maranis* hehe. Naha janten narsis ieu teh? Hehehe. Kantos dina hiji waktos, pas simabdi nuju liburan di Sumatera, aya sababaraha jalmi anu nyarios, “Wah, wajahnya Bandung banget. Sunda banget.” Sakali deui, kumargi urang Bandung/Sunda katelah gareulis, maranis, nya tos katebak maksad kalimat diluhur teh arahna kamana. hahaha.

Aya dua hal anu simabdi teu patos satuju perkawis urang Sunda. Nu kahiji, urang Sunda katelah resep dangdos. Ah ari saur abdi mah sanes kitu, kumargi urang Sunda mah gareulis, matakan jiga anu dangdos wae. hehe. Nu kadua, urang Sunda katelah teu tiasa nyarios F. Saur saha? PITNAH! hahaha. Tapi perkawis poin anu kadua mah simabdi rada satuju. Buktosna, bapa simabdi wae ge sok pagentos wae dina ngagunakeun huruf F teh. Akan tetafi, parmasi, fendidikan, renopasi, jeung sajabana masih keneh sok pabeulit. Ari generasi kadieukeun mah teu patos parah. Seuseueurna mah tos seueur nu leres dina ngagunakeun huruf F teh.

Tos ah dicekapkeun sakitu bae. Ieu mah guyon we da ari nyarioskeun urang Sunda secara serius mah bilih lepat. Mangga bilih aya anu bade komentar atanapi nurutan ngadamel tulisan nganggo pengantar basa Sunda. Hayu urang sami-sami ngalestarikeun budaya URANG SUNDA. Wassalam.

2 thoughts on “[a talk] Urang Sunda

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s